"Bu rəqəmi daha böyük qürur və minnətdarlıqla daşıyıram" - Marko Yankoviç
Monteneqro millisi ilə 50 oyuna çıxmaq mənim üçün statistikadan daha çox məna kəsb edir.
"Football-plus.az" xəbər verir ki, bunu "Qarabağ"ın futbolçusu Marko Yankoviç şəxsi instaqram hesabında yazıb. Yarımmüdafiəçi Monteneqro yığmasında yubiley matçına çıxması ilə bağlı fikirlərini bölüşüb:
"Bu, 25 illik məşq, fədakarlıq, özümlə mübarizə və davamlı olaraq inkişaf etmək arzusudu. Bilirəm ki, məndən daha yaxşı oyunçular bu komandada az çıxış ediblər. Ona görə bu rəqəmi daha böyük qürur və minnətdarlıqla daşıyıram. Ailəmə, dostlarıma, məşqçilərimə, komanda yoldaşlarıma və azarkeşlərə çətin anlarda dəstək olduqları üçün təşəkkür edirəm".
Qeyd edək ki, 2022-ci ildən "Qarabağ"da çıxış edən Marko Yankoviç 2016-cı ildən Monteneqro millisinin formasını geyir.
Digər xəbərlər
