Dünyanın kişi və qadın tennisçilərinin ənənəvi həftəlik reytinqi açıqlanıb.

"Football-plus.az" xəbər verir ki, peşəkar Tennisçilər Assosiasiyasının (ATP) kişilər üçün tərtib etdiyi reytinqin ilk 4 pilləsində heç bir dəyişiklik yoxdu.

Ümumiyyətlə, ilk “10-luq”la bağlı ən önəmli dəyişiklik Aleks De Minaurun buranı tərk etməsi, Cek Dreyperin karyerasında ilk dəfə burda yer almasıdı.

Britaniyalı buna İndian-Uellsdə keçirilən “Masters” seriyalı turniri qazanması sayəsində nail olub. Novak Cokoviç də iki pillə irəliləyib.

ATP reytinqi
1 (1*). Yannik Sinner (İtaliya) 11330
2 (2). Aleksandr Zverev (Almaniya) 7945
3 (3). Karlos Alkaras (İspaniya) 6910
4 (4). Teylor Frits (ABŞ) 4900
5 (7). Novak Cokoviç (Serbiya) 3860
6 (5). Kasper Ruud (Norveç) 3855
7 (14). Cek Dreyper (B.Britaniya) 3800
8 (6). Daniil Medvedev (Rusiya) 3680
9 (8). Andrey Rublev (Rusiya) 3440
10 (9). Stefanos Sisipas (Yunanıstan) 3405

Qadın Tennis Assosiasiyasının “WTA) reytinqiində də ilk 5 pillə ilə bağlı dəyişiklik yoxdu. Amma İndian-Uellsdəki turnirin finalında belaruslu Arina Sobolenkoya qalib gələn Mirra Andreyeva “top-10”a daxil olub.

Əvvəlki reytinqlə müqayisədə Paula Badosa ilk “10-luq”da yerini itirib. Sobolenko finalda uduzsa da, zirvədə yerini qoruyub. Onu İqa Sventek və Kori Qauff izləyir.

WTA reytinqi
1 (1). Arina Sobolenko (Belarus) 9606
2 (2). İqa Sventek (Polşa) 7375
3 (3). Kori Qauff (ABŞ) 6063
4 (4). Cessika Pequla (ABŞ) 5361
5 (5). Medison Kiz (ABŞ) 5004
6 (11). Mirra Andreyeva (Rusiya) 4710
7 (6). Yasmin Paolini (İtaliya) 4518
8 (7). Yelena Rıbakina (Qazaxıstan) 4448
9 (9). Çjen Sinven (Çin) 3985
10 (8). Emma Navarro (ABŞ) 3859
* - əvvəlki reytinqdəki yerini göstərir.