"Düzdü, "Molde" Nərimanla maraqlanırdı. Lakin keçid baş tutmadı. Futbolçunun Norveçə yollanması haqda yayılan xəbərlər də yalandı. Getsə, mənlə gedəcəkdi. Bəlkə də yay "transfer pəncərəsi" çərçivəsində bu məsələyə qayıtmaq olar. Yəqin ki, o vaxta qədər Nərimanı izləməyə davam edəcəklər. Bu məsələylə bağlı ilkin addımlar atılanda Norveçdə "transfer pəncərəsi"nin bağlanmasına 7-8 gün qalmışdı. Prosesin qısa müddətdə tamamlanması mümkün olmadı. Ümumiyyətlə, transferin baş tutmamasının səbəbini maliyyə məsələləriylə əlaqələndirmək çətindi. "Molde" həm "Qarabağ"a, həm də Nərimana öz təklifini etdi. Tərəflər arasındakı danışıqları mən apardım. Qarşı tərəfə müvaqif cavablar verildikdən sonra "Molde" susdu. Bundan sonra razılıq olsa belə, Nəriman Norveçə getməli və tibbi müayinədən keçməlidi. Böyük ehtimalla, qarşı tərəf vaxt azlığına görə geri addım atdı. Ona görə ki, Norveçdə "transfer pəncərəsi" martın 27-də bağlanır. Beləliklə, məsələ açıq qaldı. Bu üzdən prosesin yayda davam edəcəyini düşünürəm".

"Nəriman çalışdığım nadir futbolçulardandı ki, Avropaya yollanmaqda çox maraqlıdı. Hətta bəzən şərtlərlə də maraqlanmır. Əksinə, ona tələsməməyi, Avropa klublarından gələn hər təklifə "hə" deməməyi məsləhət görürəm".