Alvares qalmaqallı penalti haqda nə dedi?
''Atletiko''nun forvardı Xulian Alvares ilk dəfə Madrid derbisindəki qalmaqallı penalti barədə fikirlərini bildirib.
''Football-plus.az'' xəbər verir ki, Çempionlar Liqasının 1/4 finalının cavab oyununda ''Atletiko'' - ''Real'' cütünün qalibi oyunsonrası penaltilər seriyasında müəyyənləşmişdi. Məhz argentinalı forvardın dramatik səhvi ''Atletiko''ya baha başa gəlmişdi. Alvaresin zərbəsi qolla nəticələnsə də, tekrarda onun cüzi də olsa, digər ayağı ilə topa toxunduğu məlum olmuşdu. Penaltidən öncə isə topa iki dəfə toxunmaq olmaz. Bu üzdən bu futbolçunun qolu qeydə alınmamışdı.
25 yaşlı forvard Argentina yığmasının düşərgəsində jurnalistlərlə söhbət edərkən həmin qalmaqallı penaltiyə də toxunub:
''Epizodun təkrarını dəfələrlə izlədim. Zatən hər yerdə bu epizodun videosuna rast gəlmək mümkündü. Oyundan sonra da demişdim və indi də deyirəm ki, mən ikinci toxunuşu hiss etmədim. Lap toxunuş olubsa da belə, o qədər minimal olub ki, mən onu hiss etməmişəm. Çox təəssüf ki, hər şey məhz bu cür alındı. Belə epizodlarda qaydalar daha dəqiq və aydın olmalıdı''.
Digər xəbərlər
