“Sumqayıta 300 nəfərə yaxın üzvümüz gedəcək. Bunun əsas səbəbi oyunun gec saatda başlamasıdı. Biz bu qərarın yalnız futbolçuların oruc tutmasının nəzərə alınaraq verilməsini qəbul etmirik. Aydındı ki, futbolçuların fiziki hazırlığı və rahatlığı düşünülüb, lakin azarkeşlər unudulub. Oyunun bu vaxt (21.45 – red.) başlaması üzündən azarkeşlər gec saatlarda evə qayıtmaq məcburiyyətində qalacaq ki, bu da narahatlıq doğurur. Futbolçular öz savablarını düşünmək əvəzinə bir gün oruc tutmayıb azarkeşlərin rahatlığını nəzərə alsaydılar, bu, hər kəs üçün daha ədalətli qərar olardı. Azarkeş amili nəzərə alınmayıb, onların rahatlığı arxa plana atılıb. Ümid edirik ki, gələcəkdə belə məsələlərdə azarkeşlərin maraqları nəzərə alınacaq”.