Ramazan ayında müsəlman futbolçuların problem yaşaması təbiidi. Heç şübhəsiz, uzun müddət ac qalmaq onların gücünə və mübarizə əcminə təsir edir. Etiraf etsələr də belədi, etməsələr də! Elə “Səbail”in baş məşqçisi Cavid Hüseynov da “Şamaxı”ya məğlubiyyətin ardından uğursuzluğun səbəblərindən biri kimi futbolçuların oruc tutmasını göstərmişdi.

Bəs başqa klublarda bu baxımdam vəziyyət necədi? Mətbuat katiblərinə müraciət edərək komandada neçə nəfərin oruc tutduğunu, futbolçulara bununla bağlı məhdudiyyət qoyulub-qoyulmadığını soruşduq.

“Şamaxı’’nın mətbuat xidmətinin rəhbəri Yusif Hüseynov 10, “Turan Tovuz’”dan Süleyman Tağıyev 11 oyunçunun oruc tutduğunu və bu yöndə heç bir qadağanın olmadığını dedi. Digər klubar dəqiq məlumat verməsələr də, çox sayda oyunçunun oruc tutduğunu, rəhbərliyin hər bir oyunçusunun dini inanclarına hörmətlə yanaşdığını qeyd etdilər.

AYAZ ZEYNALZADƏ