Viktor Dyökereş uğrunda mübarizə getdikcə qızışır.

Artıq bu futbolçunun yayda “Sportinq”dən ayrılacağını əminliklə söyləmək olar. İsveçli futbolçunun transferi uğrunda mübarizəyə “Real” da qoşulub. Bu barədə İspaniya mətbuatı məlumat yayıb. 26 yaşlı hücumçunun oyunu madridlilərin baş məşqçisi Karlo Ançelottinin diqqətini də cəlb edib. Rəhbərliyin italiyalı mütəxəssisin istəyinə müsbət yanaşdığı da bildirilib.

İddiaya əsasən, “Real” Viktor üçün 100 milyon avro ödəməyə hazırdı. İspaniya nəhəngi onun transferini uzunmüddətli sərmayə kimi dəyərləndirir.
Dyökereşi transfer etmək istəyən klublar sırasında “Mançester Yunayted” və “Mançester Siti” də var.

Zarafat deyil o, cari mövsümdə “Sportinq”in heyətində meydana çıxdığı 40 matçda 39 qol vurub və 9 məhsuldar ötürmə verib.