Kriştiano Ronaldo meydana çıxdığı son matçda növbəti qolunu vurub.

Portuqaliyalı futbolçu Səudiyyə Ərəbistanı çempionatının 25-ci turunun “Əl-Xolood”a (3:1) qarşı keçirilən matçında rəqib qapısına yol tapıb. O, bununla da karyerasında vurduğu qolların sayını 928-ə çatdırıb. İndi 40 yaşlı ulduz futbolçunu 1000 qol həddindən 72 top ayırır.

Qeyd edək ki, dünya futbolu tarixində ən çox qol vuran ikinci futbolçu Lionel Messidi. Argentinalı hücumçu indiyədək 853 dəfə rəqib qapılarına yol tapıb. İlk üçlüyə 762 qolla Braziliya yığmasının sabiq hücumçusu Pele də daxildi.