''Qalatasaray''ın braziliyalı ulduzu Qabriel Sara yenidən İngiltərəyə karyerasını İngiltərədə davam etdirə bilər.

''Football-plus.az'' xəbər verir ki, İstanbul nəhənginin mövsümün əvvəlində 18 milyon avroya çempionşip təmsilçisi ''Norviç''dən transfer etdiyi yarımmüdafiəçi çempionşipin digər təmsilçisi ''Şeffild Yunayted''in ciddi maraq dairəsinə düşüb.

İngiltərə mətbuatının yazdığına inansaq, ''Şeffild Yunayted'' Saranı hələ ''Norviç'' dönəmindən transfer etmək istəyirdi. Ancaq həmin dönəmdə klubun maddi durumu yaxşı olmadığı üçün Şeffild klubu ''Norviç''ə rəsmi təklif irəli sürməmişdi. ''Şeffild Yunayted''in bu mövsüm premyer-liqaya qayıtmaq iddiası davam edir. Komanda çempionşipdə sona 9 tur qalmış 2-ci pillədə qərarlaşıb. ''Şeffild Yunayted'' premyer-liqaya vəsiqə qazansa, bu yay əsas hədəf Qabriel Sara olacaq.

25 yaşlı Sara cari mövsümün ilk dövrəsində kifayət qədər inamlı təsir bağışlayırdı. Hətta onun Braziliya yığmasına çağırılması da gündəmdə idi. Amma yanvarda zədələnərək 3 həftəliyə sıradan çıxdıqdan bu yana o, əvvəlki formasından uzaqdı.

Bu mövsüm 35 rəsmi oyunda aktivinə 2 qol, 7 məhsuldar ötürmə yazan Saranın ''Qalatasaray''la 2029-a qədər müqaviləsi var.

ƏLİ