“Həmin matçı “Qarabağ”ın texniki zonasının arxasından izləyirdim. Qərarlar mənim üçün də maraqlı qaldı. Musa Qurbanlı və Elvin Cəfərquliyev də çılğın idi. Belə hallarda ən aktivlər cəzalanmalıdı. Gərginliyi yaradanlar birinci cəzalanmalıdı. Belə hallarda kapitanlarla da profilaktik söhbətlər aparmaq lazımdı. Oyunun sonlarıdı və “Araz-Naxçıvan” avrokuboklar uğrunda mübarizə aparır. Burda tarazlığı qoruyub-saxlamaq lazım idi. Musa Qurbanlının nə etmək istədiyini başa düşmədim. Sanki döyüş meydanına çıxıb. Fikrimcə, Musa Qurbanlıya da “qırmızı” verilməliydi. Köməkçilər də təlimata uyğun üçbucaq yaratmışdılar. Həmin vaxt köməkçilər və VAR ilə məsləhətləşmə aparmaq lazım idi. Bu kütlədə baş hakim tək qaldı. VAR-ın köməyi ilə futbolçuları cəzalandırmalıydı”.