La Liqanın 27-ci turunun “Barselona” – “Osasuna” oyunu təxirə salınıb.

Kataloniya klubunun mətbuat xidmətinin məlumatına görə, matçın baş tutmamasına “Barselona”nın həkimi Karles Minyaro Qarsiyanın vəfat etməsi səbəb olub.

Artıq oyunun nə vaxt keçirilə biləcəyi haqda məlumat yayılıb. La Liqa matçı ya aprelin 26-da, ya da mayın 21-də təşkil ediləcək. Oyunun dəqiq tarixi “Barselona”nın Çempionlar Liqasında və İspaniya kubokundakı çıxışından asılı olaraq müəyyənləşəcək.