Karlos Kazemironun növbəti mövsümə harda başlayacağı hələ də məlum deyil. Yarımmüdafiəçi “Mançester Yunayted”dən ayrılmaq istəmir.

“TEAMtalk”un xəbərinə görə, braziliyalı futbolçu ona indiki qazancı ilə müqayisə oluna biləcək maaş təklif edilməsə, hazırkı klubunu tərk etməyəcək.

Son vaxtlar adı “Roma” ilə hallanan Karlos MY-də həftəyə 350 min funt sterlinq (təxminən 420 min avro) qazanır. Onun müqaviləsinin sonuna - 2026-cı ilin iyununa qədər “qırmızı şeytanlar”ın sıralarında qalıb-qalmayacağı bilinmir.

MY-yə 2022-ci ilin avqustunda “Real”dan keçən Kazemironun gələn mövsümün sonunda azad agent kimi komandanı tərk edə biləcəyi də ehtimal olunur.