Cud Bellingem cəzasını tam şəkildə çəkməlidi. Ona görə verilən şikayət əsassız sayılıb.

"Football-plus.az" xəbər verir ki, İspaniya Kral Futbol Federasiyasının Apellyasiya Komitəsi “Real”ın futbolçusunun iki oyunluq cəzasının ləğvi ilə bağlı müraciətini rədd edib.

İngiltərəli yarımmüdafiəçi La Liqada növbəti iki matçı buraxmalı olacaq. “Jirona” ilə oyunda görünməyən gənc futbolçu “Betis”ə də qarşı forma geyə bilməyəcək. Xatırladaq ki, Cud La Liqanın 24-cü turunun “Osasuna” ilə matçının (1:1) 39-cu dəqiqəsində hakimi təhqir etdiyinə görə birbaşa qırmızı vərəqə almışdı. 21 yaşlı oyunçu bu səbəbdən 2 oyunluq cəza alıb.