Robin van Persi üçün yeni imkan ortaya çıxıb.

"Football-plus.az" xəbər verir ki, Niderland millisinin sabiq hücumçusu “Feyenoord”u çalışdıra bilər. ESPN-in yaydığı xəbərə görə, bu klubun rəhbərliyi 41 yaşlı məşqçi ilə razılığa gəlib.

Məlumatda onunla mövsümün sonunda müqavilə imzalanacağı da qeyd edilib. “Feyenoord”, “Arsenal”, “Mançester Yunayted” və “Fənərbaxça”da oynamış Van Persi hazırda “Herenven”i çalışdırır.

Qeyd edək ki, “Feyenoord”un yetirməsi olan Van Persi əvvəllər bu klubun aşağı yaş qruplarında işləyib.