“Tutaq ki, başqa telekanallarla razılaşma əldə olundu və onlar Şamaxıya getdilər. Bazar günü hava şəraiti yaxşı olsa, bizim də getməyimiz üçün imkan yaransa, nə baş verəcəkdi? Həmçinin rəsmi yayın hüququ olan telekanal bizik. Niyə işimizi görməsi üçün kiməsə müraciət etməliyik ki? Məsələyə peşəkar yanaşmaq lazımdı. “CBC Sport” işini pis görür? 9 il ərzində qışda-boranda özümüzü hara lazımdısa, çatdırmışıq. Bu dəfə də sona qədər mübarizə apardıq. Sadəcə, insanların həyatı üçün real və ciddi təhlükə yaranmışdı. Bu üzdən 97 kilometr qalmış qayıtmalı olduq. Fors-major halların baş verməsi mümkündü. AFFA və PFL Nizamnaməyə uyğun qərar verdi ki, VAR və canlı yayın olmasa da, oyun keçirilə bilər. “CBC Sport”un fəaliyyətində nəsə axtarmaq doğru deyil. Öz işimizi kimə deməliydik? Azərbaycan teleməkanında VAR sistemiylə işləyəcək ötürmə avadanlıqları yalnız “CBC Sport”da var. Və hamısı bir-birinə uyğun sistemlərdi. Biz UEFA-nın bölgə üzrə rəsmi tərəfdaşıyıq”.