Türkiyə klubu “Səbail”in aparıcı oyunçularından birinə “elçi düşüb”. “Dənizçilər”in lideri Rüfət Abdullazadə karyerasını Türkiyədə davam etdirə bilər.

Türkiyə superliqasına çxımaq üçün mübarizə aparan “Ərzurumspor” 24 yaşlı yarımmüdafiəçinin xidmətində maraqlıdı. Hətta mətbuatda Türkiyə klubunun “Səbail”ə rəsmi təklif göndərdiyi barədə xəbərlər yayılıb.

Görəsən, “Səbail” Rüfət Abdullazadə ilə bağlı hansısa təklif alıbmı?

Bu sualı klubun mətbuat xidmətinin rəhbəri Rəşad Məmmədova ünvanladıq. O, “Football-plus.az”a Rüfətlə bağlı heç bir klubdan rəsmi təklif almadıqlarını söylədi.

ƏSƏD SEYİDOV