Qiyməti 100 milyon avrodu, amma...

"Atletiko”nun futbolçusu Pablo Barrios “Çelsi” və “Bavariya”nın hədəfinə düşüb.

“Bild” nəşrinin məlumatına görə, hər iki klub ispaniyalı yarımmüdafiəçi üçün 70 milyon avro ödəməyə hazırdı. 21 yaşlı futbolçunun Madrid klubu ilə müqaviləsində isə sərbəst buraxılma məbləği 100 milyon avro göstərilib.

Pablo bu mövsüm “Atletiko”nun heyətində 24 matça çıxaraq 2 məhsuldar ötürmə edib. Onun klubla müqaviləsinin müddəti 2028-ci ilin yayına qədərdi.