Alfonso Devisin mövsümün sonunda “Bavariya”nı tərk etmək ehtimalı bir qədər də artıb.

Almaniya klubu artıq gənc futbolçusuna qiymət qoyub. “Bild” qəzetinin yaydığı məlumata görə, rəhbərlik kanadalı müdafiəçini yayda 70 milyon avroya satmağa hazırdı. 23 yaşlı oyunçu ilə “Real” maraqlanır.

Alfonso 2019-cu ildən “Bavariya”nın əsas komandasında çıxış edir. Onun klubla müqaviləsinin müddəti 2025-ci ilin yayına qədərdi.