“Difai” Xaqani Məmmədovu niyə göndərib?
Futbol üzrə ölkə çempionatının 1-ci liqasında yarışan “Difai” əslində qış fasiləsindən sonra heç də pis təsir bağışlamır.
Ağsu klubu 12-ci turda “Karvan”la heç-heçə edib (3:3), 13-cü turda isə “Qəbələ”yə 0:1 hesabıyla uduzub. Maraqlıdı ki, bu nəticələrin ardından klub rəhbərliyi baş məşqçi Xaqani Məmmədovla yolları ayrılmağı lazım bilib. Daha doğrusu, tərəflər qarşılıqlı razılıq əsasında ayrılıb. Halbuki ötənlərin tanınan futbolçularından biri noyabrın əvvəlində “sükan arxasına” keçmişdi. “Difai” hazırda 9 xalla 9-cu pillədə qərarlaşıb.
Xaqani bəy istefası ilə bağlı “Futbol+”ə danışdı:
“Bəli, komandadan ayrıldım. Rəhbərlik belə qərar verdi. Qarşılıqlı razılıqla yollarımızı ayırdıq. Rəhbərlik mənlə davam etmək istəmədi. Bir qədər psixoloji istirahətə ehtiyac var. Sonra baxaq, görək nə təklif olunur?”
ƏSƏD SEYİDOV
