“Bild” Mahir Emrelinin “Seul”dan cazibədar təklif aldığını yazıb.

Həmkarlarımızın iddiasına inansaq, bu, həmyerlimizə gələn ilk təklifdi və futbolçu “Nürnberq”dən ayrılmaq qərarını qətiləşdirdiyi üçün koreyalıların çağırışını müsbət cavablamaq niyyətindədi.

İndi hücumçu Almaniya klubuyla maliyyə məsələlərində anlaşmağa çalışır ki, müqaviləsinə qarşılıqlı razılıq əsasında xitam verilsin. Hətta Mahir bu məqsədlə otellərin birində meneceri Dorint Herrenkruqla görüşüb və məsələni götür-qoy edib.

İş orasındadı ki, Koreyada “transfer pəncərəsi” martın 27-də bağlanacaq. Yəni Emrelinin gələcəyi haqda qəti qərar vermək üçün yetərincə vaxtı var.

KƏNAN BAHADIR