Fransa kubokunda cari mövsüm maraqlı axar alıb. 1/8 finalda elitanın 8 təmsilçisi var idi ki, ikisi bir-birinə rəqib oldu.

“Strasbur” – “Anje” duelindən qonaqlar ayrıldı. Çempionatın lideri PSJ 3-cü liqa təmsilçini məğlub etməkdə çətinlik çəkmədi. 81-ci dəqiqədə meydana çıxan Kimpembe təxminin ikiillik fasilədən sonra ilk dəfə parislilərin heyətində göründü. Adı çəkilən müdafiəçi sonuncu dəfə 2003-cü il fevralın 26-da “Marsel”ə qarşı oynamışdı. Təxminən ilyarım kənarda qalan Presnel ötən ilin avqustunda komandaya dönmüş və yenə zədələnmişdi.

Elita klublarından “Brest” və “Reyms” növbəti mərhələyə adlaya bildi. “Tuluza”, “Nitsa” və “Lill” isə bunu bacarmadı. Xüsusən də evdə gözlənilmədən 2-ci liqa klubu “Dyunkerk”ə uduzan “Lill” böyük konfuzla üzləşdi. Bu oyunda statusu yüksək olan komandanın məğlubiyyətindən daha çox ssenari maraq doğurdu. Meydan sahibləri 85-ci dəqiqədə hesabı açdı, aşağı dəstə təmsilçisi 6-cu uzatma dəqiqəsində bərabərlik qolunu vurdu. Belədə penalti seriyasına ehtiyac duyuldu. Seriyada 3:0 öndə olan “Lill” son iki zərbəni qaçırdı, “Dyunkerk” isə son üç cəhddən yararlandı. 6-cı zərbəni komandalar dəqiq yerinə yetirdi. 7-ci zərbədə “Lill” büdrədi, “Dyunkerk” yox.

1/8 final
Le Man (D-3) – PSJ 0:2
Due, 25. Barkola, 71.
PSJ: Safonov, Zaqe (Hakimi, 46), Paço (Kimpembe, 81), Beraldo, L.Ernandes (Mendeş, 46), Mayulu (Vitinya, 68), Ruis, Li Kan İn, Due (Barkola, 68), Kvaratsxeliya, Ramuş.
Strasbur – Anje 1:3
Lemarşal, 13 – Lepol, 2; 15. Əl-Melali, 76.
Trua (D-2) – Brest 1:2
Manyetti, 55-öz qapısına – Salah, 49. Sima, 90+2.
Burquen-Jalyo (D-5) – Reyms 0:0, p. – 2:3
Tuluza – Genqam (D-2) 0:2
Sidibe, 52. Ahil, 89.
Stad Brioşen (D-4) – Nitsa 2:1
Buden, 88; 90+7 – Loşe, 55.
Lill - Dyunkerk (D-2) 1:1, p. – 4:5
Qomeş, 85 - Tecan, 90+6.
Kann (D-4) – Dives (D-5) 5:3
Dominqeş, 9; 12. Abbas, 45+2. Mambu, 69. Qonsalves, 87 – Toris, 25. Fonteyn, 53. Bekimbo, 90+4.

Fevralın 26-27-də keçiriləcək 1/4 final oyunlarında bu cütlər qarşılaşacaq: Stad Brioşen (D-4) – PSJ, Kann (D-4) - Genqam (D-2), Brest – Dyunkerk (D-2), Anje – Reyms.