2022-ci ilin fevralında başlayan məlum müharibə üzündən ukraynalı və rusiyalı idmançılar hansısa yarışda üz-üzə gələndə münasibətlərdəki soyuqluq dərhal gözə dəyir.

Bazar günü başa çatan WTA turnirində də belə olub. Ukraynalı tennisçi Dayana Yastremskaya Lintsdə keçirilən turnirin finalında rusiyalı Yekaterina Aleksandrovaya uduzandan sonra onun əlini sıxmaqdan boyun qaçırıb. 30 yaşlı Aleksandrova üç setdə qalib gəlib - 6:2, 3:6, 7:5.

Dayana rəqibin əlini sıxmamaqla yanaşı, mükafatlandırma mərasimində də onunla birgə şəkil çəkdirməkdən imtina edib.