"Danışılmış oyunlarda iştirak edən futbolçularla bağlı toplanmış materiallar komitəyə daxil olandan sonra tərəfimizdən araşdırma aparıldı. Mövcud sənədlərdə oyunçuların hadisələrin axarıyla bağlı təfsilatlı izahatı yer almışdı. Detallar dəyərləndirildikdən sonra həmin futbolçulara İntizam Komitəsinin iclasında iştirak etmələriylə bağlı məktub göndərildi. Buna baxmayaraq, "Mingəçevir"in futbolçularından heç kim iclasa gəlmədi. Yalnız Adil Nağıyev iclasda iştirak edib suallarımızı cavabladı. O, izahatını təsdiq etdi. Ardınca tərəfimizdən məlum qərar verildi. Növbəti sualınıza gəlincə, belə neqativ hallar nəinki ölkəmizdə, dünya futbolunda da yaşanır. Bəli, cəzaların sərtləşdirilməsi İntizam Komitəsinin ixtiyarında deyil. Bununla bağlı Cinayət Məcəlləsində dəyişiklik edilə bilər. Fikrimcə, danışılmış oyun həm də azarkeşlərin haqqına girməkdi. Xüsusilə gənc futbolçulara tövsiyə edirəm ki, imiclərinə, gələcək karyeralarına ləkə salmasınlar".