“Hər şey İslamın özündən asılıdı” – Cahangir Həsənzadə oğlu haqda danışdı
Ölkəmizin U-18 yığmasının üzvü İslam Həsənov “Srvena Zvezda” ilə müqavilə bağlayıb. 16 yaşlı hücumameyilli yarımmüdafiəçi yaşına görə elitada oynaya bilməyəcəyindən Belqrad klubu onu 1-ci liqada mübarizə aparan "Qrafiçar"a icarəyə verib.
İslamla bağlı fikirlərini öyrənmək üçün atası Cahangir Həsənzadəyə müraciət etdik:
“İslam “Sabah”ın yetirməsidi. U-18 yığmamızın üzvüdü. Müntəzəm yığma komandaya cəlb olunan biridi. 18 yaşında “Srvena Zvezda”da oynaya biləcəyi ilə bağlı ümidlərimiz var. İslam bir ildi onların düşərgəsindədi. Bir müddət sonra özünü orda göstərə biləcək. “Srvena Zvezda”da əsas heyətin üzvü olması çox çəkəcək. Hər şey İslamın özündən asılıdı”.
ƏSƏD SEYİDOV
Digər xəbərlər
