FKSB sabah Avropa Liqasının əsas mərhələsinin 7-ci tur matçında “Qarabağ”ın qonağı olacaq.

"Football-plus.az" xəbər verir ki, FKSB-nin futbolçusu Coyskim Dava Tofiq Bəhramov adına Respublika stadionunda keçirilən oyunöncəsi mətbuat konfransında iştirak edib. Kamerunlu müdafiəçi oyunla bağlı fikirlərini bölüşəndən sonra jurnalistlərin suallarını cavablayıb.

- Bu gözəl ölkəyə artıq ikinci dəfə gəlmişəm. İnanırıq ki, sabah gözəl nəticəyə nail olacağıq.

- Bu oyunla bağlı təəssüratların nədi?
- Təbii ki, biz pozitivik. Ancaq və ancaq qələbə qazanmağa gəlmişik. Sabahkı qələbə bizə növbəti oyunlarda motivasiya olacaq.

- Sizin xəyalınız ilk “8-lik”ə düşməkdi?
- Bu, sadəcə, bizim hədəfimizdi.

- Gələn həftə “Mançester Yunayted”lə oyun var.
- Birinci bu oyuna fokuslanmışıq. Əsas işimiz sabahkı oyuna köklənməkdi.

- “Qarabağ”ı necə dəyərləndirərdin?
- “Qarabağ” güclü komandadı, çox gözəl oynayırlar. Topa nəzarəti yaxşıdı. Hücumameyilli komandadı. Çempionatda liderdi.

- Sabahkı oyunda favorit FKSB-di?
- Xeyr, biz səfərdə oynayırıq. Buna baxmayaraq oyuna fokuslanmışıq.

ƏSƏD SEYİDOV