Mövsümün ilk dövrəsini inanılmaz dərəcədə zəif keçirən “Mançester Siti” rəhbərliyi nəticələrin yaxşılaşması üçün lazımi tədbirlər görür. Bu ay komandaya bir neçə yeni futbolçunun qoşulacağı dəqiqdi.

Amma əvvəlcə Kayl Uokerin MS-dən ayrılmaq istədiyini qeyd edək. O, artıq bunu Xosep Qvardiolaya bildirib. Baş məşqçi 34 yaşlı müdafiəçinin xidmətindən İngiltərə kubokunun “Solford”la oyununda (8:0) yararlanmayıb. Son xəbərlərdə Uokerin agentinin “Milan”la danışıq apardığı bildirilir. Onun İtaliya klubuna keçməyə yaxın olduğu da qeyd edilir. Qvardiola Kaylın məsələsi ilə bağlı jurnalistlərə belə açıqlama verib:

“Siti” tezliklə heyətinə yeni oyunçu cəlb edəcək (bu haqda 10-cu səhifədə daha geniş materialla tanış ola bilərsiz – red.). Qısaca qeyd edək ki, “Lans”ın baş məşqçisi Vilyam Still Abdukodir Xusanovun İngiltərə klubuna keçəcəyi ilə bağlı yayılan məlumata münasibət bildirib. O, bu xəbəri təsdiqləyib və 20 yaşlı özbək müdafiəçi ilə “şəhərlilər” arasında aparılan danışıqların başa çatmaq üzrə olduğunu bildirib.

İngiltərə çempionu bu ay heyətinə braziliyalı oyunçu da cəlb edəcək. Tanınmış insayder Fabritsio Romanonun məlumatına görə, MS “Palmeyras”ın 18 yaşlı müdafiəçisi Vitor Reysi transfer etməyə yaxındı. İngiltərə klubu qarşı tərəflə danışıqlar aparır. Artıq Vitorla uzunmüddətli müqavilə ilə bağlı razılıq əldə olunub. Transferin ümumi dəyəri təxminən 40 milyon avro olacaq. Qeyd edək ki, Reys “Palmeyras”ın yetirməsidi. O, əsas komandada 22 oyun keçirib və 2 qol vurub.

“Siti” Ömər Marmuşu da hədəfə alıb. Florian Plettenberq İngiltərə nəhənginin onun klubuna rəsmi təklif edəcəyini xəbər verib. Məşhur jurnalist “Ayntraxt”ın misirli hücumçusuna görə 80 milyon avro tələb etdiyini də bildirib. Maraq üçün 25 yaşlı Marmuşun bu mövsüm frankfurtluların heyətində bütün turnirlərdə meydana çıxdığı 24 oyunda 18 qolun və 12 məhsuldar ötürmənin müəllifi olduğunu bildirək.