“Neftçi” Qəbələyə altı yeni futbolçu apardı – onlar kimdi?
Bu gün qış “transfer pəncərəsi” açıldığına görə mövzular əsasən transferlərlə bağlı olacaq.
Fasilə dönəmində komandalarda bir çox ayrılıqlar yaşansa da, yeni gələnlər hələ ki azdı. “Neftçi” isə göndərdiyi legionerlərin əvəzinə belə futbolçu cəlb etməyib. Halbuki hamı Samir Abasovdan qış dönəmində köklü dəyişiklik gözləyirdi. Deyəsən, ümid yenə də akademiyada yetişən futbolçularadı.
Görəsən, Abasov təlim-məşq toplanışı müddətində neçə futbolçunu düşərgəyə dəvət edib?
“Neftçi-2”nin baş məşqçisi Rəşad Abdullayev “Football-plus.az”a belə açıqlama verib:
“Qəbələ toplanışına 6 futbolçumuz qoşuldu. Qapıçımız Mehdi Həsənov, meydan oyunçularımız Həbib İsmayılov, İbrahim Novruzov, Fərid Səfərli, Elcan Əbilov və Cavanşir Şahbazlı Qəbələdəki təlim-məşq toplanışında iştirak edib. Artıq komanda Bakıya qayıdıb. Düzü, futbolçular əsas komanda ilə bir yerdədilər. Əsas odu ki, futbolçulardan razılıqlarını bildiriblər. Yəni mənə müsbət fikir söylədilər. Amma gələcəkdə hansı futbolçumuzun daimi əsas komandaya cəlb olunacağını qərar verildikdən sonra bilmək olar. Futbolçularım müntəzəm əsas komanda ilə məşq edir”.
RÖYANƏ OĞUZ
Digər xəbərlər
