Dünya şahmatının şəksiz lideri Maqnus Karlsen subaylığa “əlvida” deyib.

Norveçli şahmatçı ilə Ella Viktoriya Melounun nigah mərasimi Oslodakı kilsələrin birində gerçəkləşib. Cütlük mərasimin vaxtını və yerini gizlətməyə çalışsa da, NRK nəşri maraqlı fotolar yayıb. Maqnusla Ella Viktoriyanın münasibətləri ilə bağlı ilk xəbərlər mediaya ötən ilin aprelində sızıb.

Meloun Karlsendən 8 yaş kiçikdi. Qızın atası amerikalı, anası norveçlidi. O, uzun müddət hər iki ölkədə yaşasa da, Oslonu özünün doğma şəhəri sayır. Ella Viktoriya sosial şəbəkələrdən qaçır və mediaya nadir hallarda müsahibə verir.