Xəbər verdiyimiz kimi “Kəpəz”də tezliklə heyətlə bağlı dəyişikliklər baş verəcək. Redon Mihana, Lassana Ndiaye və Viktor Braqa ilə yollar ayrılacaqsa, iki legioner futbolçu transfer ediləcək.

Bununla belə, son həftələrdə Orxan Əliyevin “sarı-göylər”dən ayrılacağı haqda xəbərlər tirajlanır. Bəli, biz baş məşqçi Azər Bağırovun hücumçuyla yolları ayırmaq niyyətində olmadığını yazmışıq. Lakin bugünlərdə media və sosial şəbəkələrdə yayılan xəbər məsələyə yenidən qayıtmağımıza səbəb oldu.

Belə ki, Orxanın “Turan Tovuz”la anlaşdığı, hətta “bozqurd”un heyətində Türkiyəyə yollananlar arasında yer aldığı iddia edilir. Məlumatın doğru olub-olmadığını dəqiqləşdirmək məqsədilə Azər bəylə əlaqə saxladıq. O, “Football-plus.az”a açıqlamasında Orxanın yanvarın 5-də baş tutan məşqə qatıldığını dedi.

KƏNAN BAHADIR