“Osimheni məşqçilərin 80-90 faizi öz komandasında görmək istəyər. Onu transfer etmək fürsətimiz yaranan kimi düşünmədən razılıq verdim. Beynimdə “3 hücumçumuz ola-ola necə oynayacağıq”, “ehtiyatda qalan inciyəcəkmi” kimi şübhələr olmadı. Bilirdim ki, fərqli sistemlərdən istifadə edərək hər birinə şans verəcəm. Zaman göstərdi ki, çox doğru qərar verdik. Osimhen bura gözlədiyimizdən də tez uyğunlaşdı. Çox düzgün xarakteri var və komanda üçün meydanda əlindən gələni edir. Bu kollektivdə olmağı sevir. Təkbətək çıxanda boş olan komanda yoldaşına ötürmə verməkdən çəkinmir. Bir mərkəz hücumçusunun bu dərəcədə komanda oyunçusu olması nadir görünən bir şeydi. Bizdə icarə əsasında oynasa da, mövsümün sonuna qədər bizimlə müqaviləsi var. Burda xoşbəxtdi və zatən qalmaq istədiyini özü də dəfələrlə deyib. Qış fasiləsində qətiyyən ayrılmaq fikri yoxdu. Bu məsələni bu qədər tez-tez gündəmə gətirib onun üzərində təzyiq yaratmağa ehtiyac yoxdu. Biz təbii ki, onu daimi əsasda almaq istərdik. Bunu rəhbərlik də dəfələrlə söyləyib. Amma bu mövzuda danışmaq üçün hələ çox tezdi. Dəqiq olan bir şey var ki, Osimhen ikinci dövrəni də bizimlə keçirəcək. İkardinin yoxluğunu hər birimiz hiss edirik. Komandamız üçün önəmli isimdi. Amma şanssız bir zədə ilə üzləşdi və onun sağalmasını gözləmək məcburiyyətindəyik. İyunun əvvəllərində zədəsinin 6-cı ayını tamamlayacaq. İlkin ehtimallara görə 6-8 aylığa sıradan çıxıb. Bir qədər gözləməliyik. Müqaviləsinin dondurulması ilə bağlı qərar verməmişik. Amma qış transfer dönəminin sonuna yaxın əlimizdəki legioner limitinə, eləcə də avrokubokların iştirak ərizəsindəki limitə baxıb qərar verəcəyik. Təbii ki, tibbi personalımızla da məsləhətləşəcəyik. Hakim Ziyeş ilə onun durumu barədə söhbətimiz oldu. Rəqibləri Yunus Akgün, Barış Alpər Yılmaz və Şallaidi. Hər biri də yaxşı formadadı. Az oynamasından gileyləndi. Böyük ehtimalla “transfer pəncərəsi” açılandan sonra başqa klublarla danışıqlara başlayacaq. Ziyeş dünya səviyyəli futbolçudu. Belə futbolçular ehtiyatda qalarkən onların “bədən dili” bəzən heç də yaxşı olmur. Narazılığını açıq şəkildə biruzə verənlər də olur. Dəqiq olan bir şey var ki, Ziyeş az oynamasından narazıdı və “Qalatasaray”dan ayrılmağa yaxındı”.