“Şamaxı” Vüsal Məsimovu necə yola gətirib? - “Zirə” ilə oyundan sonra…”
Qış fasiləsində komandasını dəyişənlərdən biri də Vüsal Məsimov oldu. “Səbail”i tərk edən müdafiəçi bundan sonra “Şamaxı”nın formasını geyəcək.
Maraqlısı odu ki, 24 yaşlı futbolçu elə ötən yay “Kəpəz”dən “dənizçilər”in heyətinə keçmişdi. Görəsən, “şirlər” Məsimovu necə yola gətirə bilib?
Vüsalın “Football-plus.az”ın sualına cavabı belə oldu:
“Bəli, “Şamaxı”dan mənə təklif gəldi. Dekabrın əvvəlində dəvət alanda oturub menecerimlə məsləhətləşdik. Təklif məni qane edirdi. Birinci dövrə bitəndən, “Zirə” ilə oyundan sonra artıq bu barədə daha ciddi söhbət etdik. Mən də “Şamaxı”ya keçidə isti yanaşırdım. Sonra “Səbail”in baş məşqçisi, rəhbərliyi ilə danışdıq. Sağ olsunlar, hörmətlə yanaşdılar. Qarşılıqlı razılıqla müqaviləyə xitam vermək qərarına gəldik. “Şamaxı” mənə daha yaxşı görünürdü. Təklif də mənim üçün yaxşı idi. Sabah müqavilə bağlanacaq”.
RÖYANƏ OĞUZ
Digər xəbərlər
