“Yəni Adil və Kantariyanın gedişi ilə...” – “Şamaxı” Ramin Əhmədovu niyə göndərib?
Bilindiyi kimi, “Şamaxı” son iki gündə daha iki futbolçu - Ramin Əhmədov və Qurban Səfərov ilə yolları ayırdı.
Daha əvvəl İlkin Muradovla erkən sağollaşan Şamaxı təmsilçisi yaxınlarda Georgi Kantariya və Adil Nağıyev ilə müqaviləyə də xitam vermişdi. Bu ərəfədə klubda başverənləri nəzərə alsaq, hər ayrılıq müəyyən şübhələr doğurur.
Maraqlıdı, Raminin gedişi Nağıyevlə Kantariyanın ayrılması ilə bağlı deyil ki? Əhmədov “Football-plus.az”a açıqlamasında klubdan ayrılmasının səbəini belə izah etdi:
“Şamaxı” ilə müqaviləmin müddəti başa çatdığı üçün yollarımızı ayırdıq. Yəni Adil və Kantariyanın gedişi ilə heç bir bağlılığım yoxdu. Sadəcə, az şans qazanırdım. Qarşılıqlı danışıb belə qərara gəldik. Hansı kluba keçəcəyim hələ ki bəlli deyil, təklif gözləyirəm”.
RÖYANƏ OĞUZ
Digər xəbərlər
