“AFFA-dan cavab gözləyirəm, tez yekunlaşdırsaydılar, mən də...” – Adil Nağıyev
Adil Nağıyevlə Georgi Kantariyanın “Şamaxı”dan ayrılmasından sonra başverənlərdən məlumatlısız. İndi hər kəs danışılmış oyunlarda adı hallanan bu iki futbolçu ilə bağlı araşdırmanın sonunu gözləyir. AFFA-nın araşdırmanı nə vaxt yekunlaşdıracağı isə dəqiq bilinmir.
Bəs AFFA prosesə furtbolçuları da cəlb edibmi? Adil Nağıyevlə əlaqə saxlayıb, həm bu suala cavab tapmağa çalışdıq, həm də fərdi məşqlər edib-etmədiyini öyrəndik. Nağıyev “Football-plus.az”a bu sözləri dedi:
“Məsələ nəzarətə alınandan sonra heç kim zəng etməyib. Gözləyirəm ki, araşdırma başa çatsın. Fərdi məşqlər etmirəm. Onsuz da bir tur sonra çempionatda fasilə yaranacaq. Bayramla əlaqədar evdə ailəmlə vaxt keçirirəm. Başımı belə qatıram. AFFA-dan cavab gözləyirəm. Tez yekunlaşdırsaydılar, mən də karyeramı fikirləşərdim. Başqa yerdən zəng də gəlməyib. Görək axırı necə olacaq”.
RÖYANƏ OĞUZ
Digər xəbərlər
