Trent Aleksander-Arnold iş yerini dəyişmək istəyir.

“Liverpul”un müdafiəçisi karyerasını “Real”da davam etdirməkdə qərarlıdı. “Marca” qəzetinin məlumatına görə, 26 yaşlı müdafiəçi Madridə yollanmaq istədiyini artıq rəhbərliyə bildirib. Bu, “Liverpul”un futbolçunu müqavilənin müddətini uzatmağa razı salmağa çalışması əsnasında baş verib. “Marca”nın yazdığına görə, “Real” Trenti qışda almağa və ya yaya qədər gözləyərək onun azad agent kimi keçidini reallaşdırmağa hazırdı.

Aleksander-Arnoldun “Liverpul” ilə müqaviləsinin müddəti 2025-ci ilin yayına qədərdi. O, bu mövsüm bütün turnirlərdə 22 oyun keçirib və 5 məhsuldar ötürmə edib.