''Trabzonspor''un forvardı nişanlandı, anası qızı yıxıb-sürüdü - FOTO
''Trabzonspor''un forvardı Enis Destan neçə müddətdi, birlikdə olduğu sevgilisi Arzum Kuruçalı ilə nişanlanıb.
Bununla da 22 yaşlı forvard evlilik yolunda ilk addımını atıb. Onların hər ikisi nişan mərasimindən olan şəkilləri öz səhifələrində paylaşıblar. Amma nişandan cəmi bir neçə sonra Enis Destanın anası Gül Destanın qalmaqallı paylaşımlar bu cütlüyə diqqəti artırıb. Sən demə futbolçunun valideynləri bu nişana razılıq verməyib və onlar mərasimdə iştirak etməyib. Ege universitetinin məzunu olan Arzum Kuruçalı Enisdən 10 yaş böyükdü. O, fitnes müəllimi kimi çalışır. Gül Destanın paylaşımlarına nəzər salaq:
''Oğlumun seçdiyi xanımın libasına baxın və özünüz qiymət verin. Qətiyyən yaraşdırmıram. Nə fiziki baxımdan, nə həyat tərzi olaraq, nə də yaş baxımından. Dəfələrlə qarşı tərəfə bu işin mümkün olmayacağını dediyimiz halda bu xanım oğlumun yaxasından yapışdı. Biz ana və ata olaraq nişanda iştirak etmədik. Qız hər şeyi özü əvvəlcədən planlaşdırıb. Onun heç ailəsini tanımırıq. Tələsirdi, çünki bu cür yaraşıqlı və təmiz qəlbli insan əlindən çıxa bilərdi. Lap tutaq ki, özündən 10 yaş kiçik biri ilə evlənmək istəyirsən. Bunu adi bir fabrika işçisi və ya başqa bir peşənin sahibi ilə etmək olmazdımı? Bu xanımın məqsədi ilk gündən bəlli idi. Belə şeylər el adət-ənənələri ilə olmalıdı. Əvvəlcə hər iki tərəf ailəlikcə oturub müzakirələr aparmalıdı. Amma bunların heç biri olmadı''.
Gül Destan daha öncə də dəfələrlə öz səhifəsində oğlunun ''Trabzonspor''dakı durumuna dair paylaşımları ilə diqqət çəkmişdi. O, oğlunun ehtiyatda qalmasına, zəhərlənməsinə və qırmızı vərəqə almasına dair paylaşımlar etmişdi. ''Altınordu''nun yetirməsi olan, və 2021-in yanvarından ''Trabzonspor''da çıxış edən gənc forvard 2022/23-ü icarə əsasında Polşa təmsilçisi ''Varta''da keçirib. Enis ötən mövsüm Türkiyə çempionatında 9 dəfə fərqlənmişdisə, bu mövsüm 8 qarşılaşmada 292 dəqiqə meydanda olsa da, hələ ki, qol hesabını aça bilməyib.
ƏLİ
Digər xəbərlər
