ÇSKA-dakı oyunu ilə diqqət çəkən və Rusiya premyer-liqasında ötən ayın ən yaxşı futbolçusu seçilən Yusuf Yazıcı dünən maraqlı paylaşımı ilə diqqət çəkib.

Türkiyə yığmasının üzvü sosial şəbəkədə Cemrenaz Turhanla əl-ələ tutduğu şəkili paylaşaraq ilk dəfə yeni sevgilisini ictimaiyyətə açıqlayıb. Onların hər ikisi öz səhifələrində bu şəkili ''1 aprel zarafatı deyil'' sözü ilə paylaşıblar. Yusufun bu etirafindan sonra bu xanıma olan maraq artıb. 23 yaşında və 182 sm boyu olan Cemrenaz Turhan Baxçaşəhər Üniversitetinin İşlətmə Mühəndisliyi fakültəsinin sonuncu kurs tələbəsidi. Bu xanım ötən il ''Miss Turkey'' gözəllik yarışmasında ikinci pilləni tutduqdan sonra modellik sahəsinə maraq göstərməyə başladı. Cemrenaz eyni zamanda ötən ilin dekabrında İsraildə keçirilən kainat gözəli yarışmasında Türkiyəni təmsil etsə də, həmin müsabiqədə ciddi nəticə əldə edə bilməmişdi. Anası müəllim, atası həkim olan bu gözəl xanım eyni zamanda həvəskar səviyyədə voleybolla da məşğul olur.