Dünyaca ünlü cütlük Devid və Viktoriya Bekhemin böyük oğlu Bruklin bugünlərdə subaylığın daşını atıb. 23 yaşlı Bruklin həyatını uzun müddətdi birlikdə olduğu Nikola Enn Pelts ilə birləşdirib.

Aktrisa olan 27 yaşlı Nikola həm də milyarder Nelson Peltsin qızıdı. Deyilənə görə dəbdəbəli toy üçün ümumilikdə təxminən 3,5 milyon dollar xərclənilib. Maraqlıdı ki, Bekhem ailəsində ilk narazılıq elə toydan dərhal sonra yaranıb. Məlum olub ki, Bruklin öz xanımına sevgisini və sadiqliyini göstərmək üçün qəribə üsula əl atıb. O, Nikola Enn Peltsin soyadını özünə götürmək qərarına gəlib. Bruklinin yeni həyat yoldaşı ilə olan şəklini social şəbəkələrdə paylaşaraq ''Mr & Mrs Peltz Beckham'' yazması böyük marağa səbəb olub. Amma məhşur valideynləri, xüsusilə də anası Viktoriya qətiyyən Bruklinin bu addımını dəstəkləməyib. Həm Viktoriya, həm də Devid eyni şəkili öz ''instaqram'' larında ''Mr & Mrs Beckham'' sözü ilə paylaşıblar.