Paulo Dibalanın ''Qalatasaray''a transferi bir qədər çətinləşib.

Bilindiyi kimi İstanbul nəhəngi təcrübəli argentinalı futbolçuya ciddi maraq göstərirdi. Bir müddət öncə Dibalanın meneceri də İstanbula gəlmişdi.

Danışıqlar öz axarında irəlilədiyi məqamda ortaya sürpriz bir maneə çıxdı. Dibalanın birdən-birə ''A seriyasının son turunda ''Parma'' ilə oyunda (5:0) 2 qol, 1 məhsuldar ötürməlik performans sərgiləməsi vəziyyəti bir qədər dəyişdi. Halbuki ünlü futbolçu buna qədər cari mövsüm bütün turnirləri nəzərə almaqla yalnız 1 qol, 2 məhsuldar ötürmə ilə fərqlənmişdi. İstənilən performansı vermədiyinə görə və üstəlik illik maaşı yüksək olduğuna görə ''Roma'' Dibala ilə vidalaşmağın əleyhinə deyildi. Amma qeyd etdiyimiz kimi ötən həftəsonu işlər dəyişdi. Dibala mükəmməl performansla böyük alqış qazandığı matçın ardından bunları dedi:

Baş məşqçi Klaudio Ranyeri də ''Roma''nın Dibalaya ehtiyac duyduğunu və heç bir klubdan rəsmi təklif almadıqlarını vurğuladı.

İddialara görə Dibala ''Roma''nın yükünü bir qədər yüngülləşdirmək üçün maaşının azaldılmasına da razılıq verib. Yəni bu gedişlə ''Qalatasaray'' diqqətini başqa oyunçuya yönəltməli olacaq.

ƏLİ