Kəpəz (Gəncə) - Sumqayıt 0:0
22. Məmməd Hüseynov - 5,5
7. Ehtiram Şahverdiyev - 5,5
(21. Camal Cəfərov, 88) - qiymətsiz
12. Turan Manafov - 5,5
5. Rauf Hüseynli - 5,0
26. Valdemar Almeyda - 5,0
(70. Nicat Suleymanov, 68) – 4,5
9. Luis Paçu - 5,5
29. Dioqo Verdaska - 5,5
78. Yeqor Xvalko (k) - 5,5
3. Mahamadu Ba - 6,0
10. Karim Lkouça - 5,5
77. Viktor Braqa - 5,0
(99. Əli Səmədov, 60) - 5,0
Ehtiyat oyunçular
18. Elgün Bayramov
80. Tural Rzayev
20. Mahir Həsənov
17. Ümid Səmədov
15. Cavad Kərimov
19. Lassana Ndiaye
Baş məşqçi: Azər Bağırov
Komananın ən yaxşısı: Mahamadu Ba

1. Mehdi Cənnətov - 5,5
14. Elvin Bədəlov (k) - 5,0
7. Rövlan Muradov - 5,5
(2. Sərtan Taşkın, 81) - qiymətsiz
17. Murad Xaçayev - 5,0
30. Kamran Quliyev - 6,0
20. Ayxan Süleymanlı - 5,5
19. Roy Kehat - 5,5
95. Miloş Miloviç - 5,0
12. Georgi Karaişvili - 5,0
(8. Səbuhi Abdullazadə, 57) - 5,0
23. Cordan Rezabala - 5,0
60. Tresor Mossi - 5,0
Ehtiyat oyunçular
94. Rəşad Əzizli
36. Xəyal Fərzullayev
6. Vüqar Mustafayev
41. Uğur Cahangirov
21. Nihad Əhmədzadə
66. Ruslan Əliyev
24. Sənan Muradlı
64. Kənan Feyziyev
9. Nikola Vuynoviç
5. Alan Dias
Baş məşqçi: Vaqif Cavadov
Komandanın ən yaxşısı: Kamran Quliyev

Qol: yoxdu.
Vərəqələr: E.Bədəlov, 34 (qeyri-idman hərəkəti). M.Cənnətov, 90+1 (oyunun bərpasının ləngidilməsi) - sarı.
Hakimlər: KAMAL UMUDLU , Rəhman İmami, Asiman Əzizli, Əkbər Əhmədov (hamısı Bakı).
VAR hakimi: Tural Qurbanov (Bakı).
VAR hakiminin köməkçisi: Teymur Teymurov (Bakı).
Hakim-inspektor: Vüsal Əliyev (Bakı).
AFFA nümayəndəsi: Elman Musayev (Bakı).
20 dekabr. Tovuz. Şəhər stadionu. 150 tamaşaçı (6800 yerlik).
Birinci hissəyə 1, ikinci hissəyə 4 dəqiqə əlavə olunub.
Oyunun qiyməti: 5,5.

Turun Tovuzda keçirilən açılış matçı hər iki komanda üçün xüsusi əhəmiyyət daşıyırdı. “Kəpəz” sonuncu pillədəki “Səbail”dən uzaqlaşmaq, “Sumqayıt” isə “Sabah”la arasındakı xal fərqini “əritmək” niyyətində idi.

Qonaqların ilk yarıdakı birinci və sonuncu təhlükəli epizodunu matçın 2-ci dəqiqəsində izlədik. Mossi Ayxana doğru ötürmə verdi. Süleymanlı topu Kamrana ötürdü. Kamran – Kehat - Karaişvili kombinasiyasını sonuncu qeyri-dəqiq zərbə ilə tamamladı. Cəmi iki dəqiqə sonra Braqa Mahamadunun uzun ötürməsini qəbul edib zərbə vursa da, Mehdi Cənnətov təslim olmadı. Qayıdan topa yaxınlaşan Karim bəxtini sınasa da, top qapıdan aralı keçdi. 19-cu dəqiqədə Elvin Bədəlov ötürmədə səhvə yol verdi. Ba topu ələ keçirib, Luisə ötürmə verdi. Paçu Mossinin ətrafında 180 dərəcə döndükdən sonra qeyri-dəqiq zərbə ilə yadda qaldı. “Sumqayıt” ardıcıl səhvlərə yol verir, “Kəpəz” isə bundan yararlana bilmirdi. Gəncəlilərin növbəti hücumu 20-ci dəqiqəyə təsadüf etdi. Rezabala ötürmədə səhvə yol verdi. Karimdən ötürmə alan Paçu uzaq məsafədən bəxtini sınasa da, zərbəsi qeyri-dəqiq oldu. Düzdü, “sarı-göylər” 36-cı dəqiqədə “kimyaçılar”ın qapısına yol tapdı. Lakin Ehtiramın qolu ofsayd üzündən qeydə alınmadı.

İkinci hissədəki ilk təhlükəli vəziyyəti 53-cü dəqiqədə qonaqların ifasında izlədik. Kamran Quliyev Rezabalanın uzun ötürməsini qəbul edib zərbə endirsə də, top qapıdan aralı keçdi. Cəmi bir dəqiqə sonra Kamran fərqlənməyə yaxın oldu. O, uzun ötürməni qəbul edib, topu Məmməd Hüseynovun başının üzərindən keçirsə də, Verdaska qola əngəl oldu. Meydana yenicə daxil olan Səbuhinin zərbəsində də azacıq dəqiqlik çatmadı. Sona yaxın “Kəpəz” yenidən fəallaşsa da, hesabı aça bilmədi. Bu isə o deməkdi ki, gəncəlilər ili 11 xalla bitirdi. “Səbail” bu gün “Zirə”ni məğlub edəcəyi təqdirdə “Kəpəz” sonuncu pilləyə yuvarlanacaq.

Gözdən qaçmadı
* “Xəmsə” “Vurğun Hüseynov” dedi, Vurğun isə qarşılığında azarkeşləri alqışladı.
* “Kimyaçılar” və “UltraSumqayıt” tribunada yox idi.
* Matçı media sektorunda izləyənlər sırasında Peşəkar Futbol Liqasının Media və marketinq direktoru Sənan Abdullayev də var idi.

ƏSƏD SEYİDOV