Afrikada sona çatmaqda olan ilin ən yaxşı futbolçusu müəyyənləşib.

Bu nominasiyanın qalibi “Atalanta”nın hücumçusu Ademola Lukman olub.

Nigeriyalı futbolçu Simon Adinqra (Brayton), Seru Girassi (Borussiya D), Əşrəf Hakimi (PSJ) və Ronven Uilyamsı (Mamelodi Sandauns) qabaqlayıb. Lukman mükafatın təqdim olunması mərasimində milli geyimdə olması ilə diqqət çəkib.

Qeyd edək ki, 27 yaşlı hücumçu bu mövsüm “Atalanta”nın formasında meydana çıxdığı 13 oyunda 8 qol vurub və 4 məhsuldar ötürmə edib. O, bu il İtaliya klubu ilə Avropa Liqasının qalibi və turnirin ən yaxşı oyunçusu adını qazanıb.