Misli premyer-liqasının 2024/25 mövsümünün ilk yarısında 90 oyun keçirilib. Bu matçlarda 144 min 355 tamaşaçı qeydə alınıb. Orta göstərici 1604-ə bərabər olub.

"Football-plus.az" xəbər verir ki, ilk 18 turun rekordu 10-cu turun “Neftçi” – “Qarabağ” matçında gerçəkləşib. “Neftçi Arena”ya 7069 tamaşaçı toplaşıb. Antirekord isə 11-ci turun “Araz-Naxçıvan” – “Zirə” görüşünə məxsusdu – 80 nəfər. Klubların ev oyunlarındakı orta göstəricidə “Turan Tovuz” böyük üstünlüyə malikdir. “Neftçi” ikinci, “Sumqayıt” üçüncüdür. Bu üç komanda ümumi orta göstəricidən yüksək nəticəyə sahibdi. Göründüyü kimi, son Azərbaycan çempionu və 11 ildi Avropa kuboklarının qrup mərhələsinin daimi iştirakçısı olan "Qarabağ" isə üçlükdə belə yer almayıb.

1. "Turan Tovuz" 9 oyun, 39 min 700 tamaşaçı (orta hesabla hər ev matçına 4411 tamaşaçı)
2. "Neftçi" - 21 min 931 (2437)
3. "Sumqayıt" - 21 min 450 (2383)
4. "Qarabağ" - 13 min 820 (1536)
5. "Sabah" - 12 min 904 (1434)
6. "Şamaxı" - 9800 (1089)
7. "Kəpəz" - 9650 (1072)
8. "Səbail" - 6500 (722)
9. "Zirə" - 6400 (711)
10. "Araz-Naxçıvan" (2200) - 244