Tur “Ştutqart”ın mükəmməl geridönüşü ilə start götürdü.

“Union” ikinci hissənin əvvəllərində iki top fərqli üstünlük yaxalasa da, şvabiyalılar artıq 69-cu dəqiqədə öndə idilər! Özü də qələbə qolunu Atakan Karazor vurdu. Türkiyəli yarımmüdafiəçi bundesliqadakı 118-ci oyunda, nəhayət, qol hesabını açdı.

Konfrans Liqasının iştirakçısı “Haydenhaym” Münhendə pis təsir bağışlamasa da, sürprizə gücü çatmadı. Ardıcıl 2-ci oyunda xal itirmək istəməyən “Bavariya” sonradan meydana çıxan futbolçuların – Musiala ilə Qorestkanın qolları sayəsində özünə lazım olan nəticəni əldə etdi. Debütant “Sankt Pauli” də son çempion “Bayer-04”ə səfərdə layiqincə müqavimət göstərdi. Amma hamburqluların da sürprizə gücü çatmadı.

“Leyptsiq” yavaş-yavaş böhrandan çıxmağa başlayır. Ardıcıl 6 rəsmi oyunda qələbəyə həsrət qalanan sonra kubokda “Ayntraxt”ı darmadağın edən “öküzlər” bu dəfə səfərdə “Holştayn”a heç bir şans vermədilər. Ötən mövsümü icarə əsasında “Real Sosyedad”da keçirən portuqaliyalı Andre Silva penaltini dəqiq yerinə yetirməklə 2023-ün yanvarından bəri bundesliqada ilk qolunu vurdu. Mövsümü inamlı keçirən “Ayntraxt”ın evdə “Auqsburq”u yenə bilməməsini sürpriz saymaq olar. Özü də gənc türkiyəli yarımmüdafiəçi Can Uzun frankfurtluları məğlubiyyətdən xilas etdi. Komandanın bundesliqada 4 oyunluq qələbə seriyası qırılsa da, ikinci pillə hələ ki əldən çıxmayıb.

Turun mərkəzi oyunu Münhenqladbaxda keçirildi. Çempionlar Liqasından fərqli daxili turnirlərdə səfər sindromu yaşayan Dortmund “Borussiya”sı yenə rəqib meydanında qələbəyə həsrət qaldı. Əla formada olan Gittensin qoluna meydan sahiblərinin heyətində penaltidən Ştöger cavab verdi. “Arılar” bu mövsüm bundesliqada 6-cı səfər oyununda da qələbəyə həsrət qaldılar (2 heç-heçə, 4 məğlubiyyət). Bu gedişlə Nuri Şahinin komandası ən yaxşı halda yalnız ÇL-ə vəsiqə uğrunda mübarizə aparacaq.

“Hoffenhaym”la “Frayburq”un duelində qalib müəyyənləşmədi. “Volksvagen Arena”ya toplaşanlar isə tarixi geridönüşün şahidi oldular. 3 dəfə hesabda geri düşən “Volfsburq” 84-cü dəqiqəyə qədər fanatlarını intizarda saxladı. Son anlarda isə səhnəyə Yonas Vind çıxdı. Fasilədən sonra meydana çıxan danimarkalı hücumçu son anlarda dubl edərək “canavarlar”a uzun müddət unudulmayacaq bir qələbə bəxş etdi. Oyunu 1 qol, 1 məhsuldar ötürmə ilə tamamlayan Amura bu mövsümdəki göstəricilərini 5 qol, 5 məhsuldar ötürməyə çatdırdı. Buna qədər XXI əsrdə “Volfsburq”un heyətində ilk 11 bundesliqa matçında 10 qolun vurulmasında yaxından iştirak edən futbolçu olmamışdı.

13-cü tur
Bavariya – Haydenhaym 4:2
Upamekano, 18. Musiala, 56; 90+1. Qoretska, 84 – Honsak, 50. Dorş, 85. (75000)
Bavariya: Perets, Boe, Upamekano, Kim Min Ce, Devis, Kimmix, Pavloviç (Qoretska, 71), Olise (Koman, 71), Gerreyro (Laymer, 90+3), Sane, Müller (Musiala, 51).

Borussiya M – Borussiya D 1:1
Ştöger, 71-p. – Gittens, 65. (54042)
Borussiya D: Kobel, Ryuyerson, Zyule (Əmrə Can, 83), Şlotterbek, Bensebayni, Nmeça, Qross (Reyna, 78), Bayer (Malen, 58), Zabitse, Gittens, Girassi.

Bayеr-04 – Sankt Pauli 2:1
Virts, 6. Ta, 21 – Gilavoqi, 84. (30000)
Bayer-04: Qradetski, Artur, Tapsoba, Ta, İnkapye, Qrimaldo (Belosyan, 79), Caka, Qarsiya, Palasios (Frimponq, 60), Tella (Andrix, 87), Virts (Terrye, 79).

Holştayn – Leyptsiq 0:2
Şeşko, 27. Andre Silva, 69-p. (14715)
Leyptsiq: Qulaçi, Henrixs, Zayvald, Qeertruyda (Klostermann, 63), Orban, Nusa, Aydara (Şlager, 63), Vermeeren (Kampl, 90+1), Baumqartner (Sakar, 90+3), Şeşko (Andre Silva, 63), Openda.

Ştutqart – Union 3:2
Voltemade, 51; 59. Karazor, 69 – Duxi, 37. Skov, 48. (59000)
Ştutqart: Nübel, Sterjiu (Voltemade, 46), Çeys, Ruo (Şabo, 75), Mittelştadt, Ştiller, Karazor, Vaqnoman, Miyo (Rider, 90+1), Fürix (Hendriks, 75), Demiroviç (Kaytel, 90+6).

Ayntraxt F – Auqsburq 2:2
Ekitike, 55. Can Uzun, 74 – Tits, 60. Essende, 71. (58000)
Ayntraxt: Trapp, Kristensen, Kox, Teate, Nkunku (Braun, 46), Tuta, Mahmud Dahud (Can Uzun, 72), Knauff (Höylunn, 72), Çaibi (Bahoya, 72), Ekitike (Matanoviç, 90), Marmuş.

Bohum – Verder 0:1
Staqe, 56. (26000)

Hoffеnhaym – Frayburq 1:1
Bişof, 73 – Ginter, 68. (22027)

Volfsburq – Maynts-05 4:3
Amura, 19. Tomas, 57. Vind, 83; 90+4 – Nebel, 11; 66. Burkardt, 39. (20036)

1. Bavariya 13 11 2 0 41-10 33
2. Ayntraxt F 13 8 3 2 33-18 27
3. Bayer-04 13 7 5 1 30-20 26
4. Leyptsiq 13 7 3 3 21-14 24
5. Volfsburq 13 6 3 4 29-22 21
6. Borussiya D 13 6 3 4 24-20 21
7. Frayburq 13 6 3 4 17-17 21
8. Ştutqart 13 5 5 3 26-23 20
9. Maynts-05 13 5 4 4 23-18 19
10. Verder 13 5 4 4 20-24 19
11. Borussiya M 13 5 3 5 19-18 18
12. Union 13 4 4 5 12-14 16
13. Auqsburq 13 4 4 5 16-25 16
14. Hoffenhyaym 13 3 4 6 18-25 13
15. Sankt Pauli 13 3 2 8 11-17 11
16. Haydenhaym 13 3 1 9 17-28 10
17. Holştayn 13 1 2 10 13-33 5
18. Bohum 13 0 2 11 10-34 2

Bombardirlər: Keyn (Bavariya) – 14, Marmuş (Ayntraxt F) – 13, Burkardt (Maynts-05) – 10.

Turun rəqəmi
988 – “Bavariya” “Haydenhaym”la qarşılaşmanı 988 ötürmə ilə tamamladı. Bu, XXI əsrdə həm komandanın, həm də turnirin ən yaxşı ikinci göstəricisidi. Münhen nəhəngi bu əsrdə bundesliqada yalnız bir dəfə 1000 ötürmə həddini keçməyi bacarıb. Təbii ki, bu, Xosep Qvardiolanın dönəminə təsadüf edib. 2014-ün martında “Bavariya” “Herta” ilə görüşdə 1109 ötürmə vermişdi!

Turun ulduzu
Camal Musiala (Bavariya) – 21 yaşlı yarımmüdafiəçi artıq münhenlilərin liderinə çevrilir. Xüsusilə Keynin olmadığı matçlarda bu, açıq-aşkar bilinir. “Der-Klassiker”də komandasını məğlubiyyətdən xilas edən Musiala bu dəfə ÇL həftəsi ərəfəsində ehtiyatda qalmışdı. Amma Münhen nəhənginin yenə ona ehtiyacı oldu. Hesab 1:1 olarkən meydana çıxan Musiala dubı etməklə komandasını büdrəməyə qoymadı. O, “Bavariya”nın heyətində ilk dəfə sonradan meydana çıxdığı qarşılaşmada dubl etdi. Musiala bu mövsüm artıq indidən, yəni 19 rəsmi oyuna ötən mövsümkü qədər – 12 qol vurub.

Turun sitatı
Nuri Şahin, Dortmund “Borussiya”sının baş məşqçisi: