Kərim Benzema karyerasını başa vura bilər.

“Əl-İttihad”ın hücumçusu bu variantı nəzərdən keçirir. “Relevo”nun məlumatına görə, 36 yaşlı futbolçu cari mövsümün sonunda futbolla vidalaşmaq niyyətindədi. Amma bu da var ki, Səudiyyə Ərəbistanı klubunun rəhbərliyi fransalı futbolçunun müqaviləsinin müddəti başa çatanadək - 2026-cı ilin yayına qədər oynayacağına ümid edir.

Xəbərdə Benzemanın artıq “Real”la razılığa gəldiyi də qeyd olunub. Kərim futbolçu karyerasını başa vurduqdan sonra İspaniya klubunun səfiri vəzifəsində işləyəcək.

Benzema “Əl-İttihad”a 2023-cü ilin yayında azad agent kimi keçib. O, bu mövsüm bütün turnirlərdə 11 matçda iştirak edib, 10 qol vurub və 3 məhsuldar ötürmə edib.