Futzal üzrə millimiz bu gün AÇ-2026-nın seçmə mərhələsində ilk oyuna çıxıb.

"Football-plus.az" xəbər verir ki, Vitali Borisovun komandası 5-ci qrupda İsveç yığmasını qəbul edib. Bakı İdman Sarayında keçirilən oyun saat 20.00-da başlayıb. Yığmamız uzun müddət hesabda öndə olsa da, qonaqlar qapıçını sahə oyunçusu ilə əvəzləməklə nəinki hesabı bərabərləşdirə, hətta irəli də çıxa bilib. Amma sona 2 saniyə qalmış Oktay Rüstəmli bərabərlik qolunu vurub.

Azərbaycan - İsveç 3:3
Oktay Rüstəmli, 1:17; 39:58. Xəzər Ağalızadə, 17:12 - Hampus Furublad, 13:28. Fredrik Soderqvist, 33:52. Brayan Yohansson, 37:06.

Qeyd edək ki, İsveç millisi artıq seçmə mərhələdə ilk oyununu keçirib. Skandinaviyalılar Yunanıstana 1:4 hesabı ilə uduzub.