Kantariya: “Biz Rusiyanı istəmirik” - “Zirə” ilə “Şamaxı”nın gürcü futbolçuları danışdı
Gürcüstan noyabrın 28-dən bəri çalxalanır.
Oktyabrın 26-da keçirilən parlament seçkisinin saxtalaşdırıldığını iddia edən müxalifətin səbrini daşıran son damla baş nazir İrakli Kobaxidzenin Gürcüstanın Avropa İttifaqına daxil olmaqla bağlı danışıqları 2028-ci ilə qədər təxirə saldığını elan etməsi, yəni ölkənin Avrointeqrasiya yolundan çəkilməsi səbəb olub. Güc strukturları izdihamlı aksiyalar keçirən müxalifətin susdurmaq üçün rezin güllələrdən, gözyaşardıcı qazdan və su şırnaqlarından istifadə edir.
Zorakılığın miqyası ölkənin tanınan idmançılarını da qəzəbləndirib. Onlar sosial şəbəkələrdə etiraz mesajları yazırlar, hətta aksiyalara qatılanlar da var. Ölkəmizdə futbol karyerasını davam etdirən gürcülər də var. Onnlara müraciət etdik. Gürcüstanda başverənlərə münasibətlərini soruşduq, konkret bu sualı ünvanladıq: Avropaya inteqrasiyanın tərəfdarısız, yoxsa əleyhinəsiz?
Georgi Papunaşvili (Zirə):
“Cavabım düz və çox aydındı. Mənim xalqım azadlıq və daha yaxşı gələcək uğrunda mübarizə aparır. Bu gün ölkəmdə başverənləri görmək mənim üçün çox çətindi”.
Georgi Kantariya (Şamaxı):
“Siyasi suallara cavab vermək istəmirəm. Xalqımız azadlıq və Avropaya inteqrasiya uğrunda mübarizə aparır. Biz Rusiyanı istəmirik”.
RÖYANƏ OĞUZ
Digər xəbərlər
