“Bizdə elə futbolçu yoxdu ki, ölkənin prezidenti olsun” – Maşalla Əhmədov
Dekabrın 14-də qonşu Gürcüstanda prezident seçkisi keçiriləcək.
Hakim “Gürcü Arzusu” partiyasının namizədi ötənlərin məşhur futbolçusu, bir neçə ölkədə legioner həyatı yaşamış Mixail Kavelaşvilidi. Görəsən, Azərbaycanda da prezident olmağa layiq və qadir futbol veteranı varmı? Bu sualı ölkənin tanınan veteranlarından Maşalla Əhmədova ünvanladıq:
“Bizdə elə futbolçu yoxdu ki, ölkənin prezidenti olsun. AFFA-ya prezident deyə bilərdim. Özüm “Neftçi” futbol veteranlarının prezidentiyəm. Bizdə elə bir namizəd yoxdu. Soruşsaz ki, veteranlardan kim AFFA-nın prezidenti ola bilər, deyərdim ki, Maşalla Əhmədov, İsgəndər Cavadov, İqor Ponomaryov. Dövlətimizin prezidenti var. 44 günlük Vətən müharibəsində vuruşmuş dövlətimizin prezidenti var. Bizim də əlimiz var, vuranda qarşıdakının burnu qanayır. Amma o elə vurdu ki, onların hamısını öldürdü”.
ƏSƏD SEYİDOV
