Sabiq futbolçu dövlət başçısı ola bilər. Söhbət Gürcüstan yığmasının keçmiş oyunçusu Mixail Kavelaşvilidən gedir.

Onun Gürcüstanın yeni prezidenti olmaq şansı var. Ölkənin hakim “Gürcü arzusu” partiyası Kavelaşvilinin namizədliyini irəli sürüb. Qonşu ölkədə prezident seçkisi dekabrın 14-də keçiriləcək. Qeyd edək ki, bu il ilk dəfə prezident seçkisi 300 nəfərdən ibarət seçki kollegiyası tərəfindən təşkil ediləcək.
Kavelaşvili Tiflis “Dinamo”su ilə dəfələlə Gürcüstan çempionu olub. 1991-2002-ci illərdə Gürcüstan yığmasının formasını geyib.

53 yaşlı sabiq hücumçu karyerası ərzində “Spartak-Alaniya”, “Mançester Siti”, “Qrasshopper”, “Sürix”, “Syon”, “Arau” və “Bazel” klublarında da çıxış edib. O, 2016-cı ildə “Gürcü arzusu” partiyasının namizədi kimi Gürcüstan parlamentinin deputatı seçilib.