Çempionlar Liqasının rekordu təkrarlandı

“Bavariya” Çempionlar Liqasında (ÇL) rekordlardan birini təkrarlayıb.

Almaniya klubu əsas mərhələnin 5-ci turunun ev oyununda PSJ-yə minimal hesabla qalib gəlib. Nəticədə “Bavariya” ÇL-də ev oyunlarında məğlubiyyətsiz seriyasını 33-ə çatdırıb. Bu isə turnirin ilk dəfə “Barselona”nın müəyyən etdiyi rekordunun təkrarlanması deməkdi. Münhen klubu son 33 ev oyununun 31-də qələbə qazanıb, 2 dəfə isə heç-heçə edib.

Daha əvvəl “Barselona” 2009-20-ci illərdə evdə keçirdiyi 33 matçda məğlub olmayaraq rekord müəyyən edib.