Eldəniz və Ülvi lider mövqeyində

Dünya Güləş Birliyi (UWW) 2024-cü ilin yekun reytinq cədvəlini açıqlayıb.

"Football-plus.az" xəbər verir ki, qurumun rəsmi saytının açıqladığı siyahıda iki güləşçimiz 1-ci pilləni tutub.

Yunan-Roma güləşində Eldəniz Əzizli (55 kq) və Ülvi Qənizadə (72 kq) öz çəki dərəcələrində lider mövqeyində qərarlaşıblar. Nihat Məmmədli (63 kq), Həsrət Cəfərov (67 kq) və Sənan Süleymanov (77 kq) isə ikinci pillədə yer alıblar. Sərbəst güləşçilərdən ən yaxşı nəticəyə Nürəddin Novruzov (61 kq) imza atıb. O, ikincidi. Qadın güləşində isə ən yaxşı nəticə üçüncü sırada yer alan Alyona Kolesnikə (59 kq) məxsusdu.

Qeyd edək ki, siyahı tərtib edilərkən Olimpiya Oyunları, dünya və qitə çempionatları, eləcə də reytinq turnirlərinin nəticələri nəzərə alınıb.