“Bəli, “İmişli”də çalışdığım dövrdə 1-ci liqada “Karvan”, ölkə kuboku matçında “Qəbələ” ilə mübarizə aparmışam. Hər iki komanda güclü və iddialıdı. Düzdü, komandalarda heyət baxımından müəyyən dəyişikliklər olub. Amma həm “Qəbələ”, həm də “Karvan” çempion olmaq istəyir. Bu səbəbdən yalnız qələbə qazanmağa çalışacaqlar. Təkcə meydanda yox, tribunalarda da gərginlik olacaq. Çünki hər iki kollektivin azarkeşləri dəstək verməyi xoşlayır. Baş məşqçilər də qələbənin hava-su kimi lazım olduğunun fərqindədi. Futbolda belə bir deyim var: zəif rəqib yox, zəif hazırlıq olur. Komandaların matça çox ciddi hazırlaşdıqlarını təxmin etmək çətin deyil. Çox maraqlı oyun olacaq. Çalışacağım ki, vaxt tapıb mən də izləyim”